Poesia: A m'arcurd

A m'arcurd, una vôlta, cun nunon,

quând ch'andimia a la lònga de sintir

a là int al tër, s'a j pens u m' pêr' ajir,

int e' capân a là sota l'arlon.

Par la caréra cun e' su baston,

cum ch'l'era bël, par tot, andêr in zir,

e incóra adës, turnènd cun e' pinsir,

e' côr e' sent una cunsulazion.

La premavira, l'aria tévda, e' sól

e cagli uviôl ch'u m' pê d' sintì l'udór

e al margherit ch' l' è pi tot e' cavdêl....

Un brânch d'usel j è a là ch' i ciapa e' vól

spinté da la sciuptê d' un cazadór.

E lo u s' ascólta e non a stasen a scultêl.

Franco d' Sabaden

Mi ricordo

Mi ricordo, una volta, con il nonno,

quando andavamo lungo il sentiero

là nei campi, se ci penso mi sembra ieri,

nel capanno là sotto il grande albero1.

Per la carraia con il suo bastone

com'era bello, per tutti, andare in giro,

e ancora adesso, tornando col pensiero,

il cuore sente una consolazione.

La primavera, l'aria tiepida, il sole

e quelle viole che mi sembra di sentire l'odore

e le margherite di cui è pieno il cavezzale 2.

Un branco di uccelli sono là che prendono il volo

spaventati dalla fucilata di un cacciatore.

E lui ci ascolta e noi stiamo ad ascoltarlo.

Franco Ponseggi